ثلاثية ليبية

السلام عليكم



ثلاثة تسبب الإحباط : الواسطة ... و الديون ... والمنتخب الليبي .


ثلاثة صعب نتخلى عنها : الماء...والهواء...والرز .


ثلاثة محتاجات واسطة : البعثات..والشقق...وأى مصلحة إدارية تبي تقضيها


ثلاثة يرفعوا الضغط : الملح..وزحمة المرور..والعيل كان عشش .


ثلاثة تسبب الغرور : الفيلا... والهامر..وبدلة الحرس البلدي .


ثلاثة ياكلوا في لحوم البشر: الحيوانات المفترسة........والبزناسة الكبار ... وجماعة القرمة كان شبعوا .

ثلاثة ما يرقدوش الليل : المديون.. والخانب.. وواحد نايضة عليه السوسة .


ثلاثة شبه اختفوا من ليبيا : الدلاع الطويل.. واحترام الشياب ....والفراشية ...


ثلاثة ما تحسش بطعمتهم الا في ليبيا : امبكبة على الحطب....وبومردم.....وشاهي العالة ...


ثلاثة تدعو لهم بالهداية : البلعوط ..والمحسدي.. والخنايسي .... يكفيكم شرهم


ثلاثة ما تستغربش منهم في ليبيا :

واحد قاص السريع على رجليه..... وواحد يسوق في الاتجاه العكسي ..... وواحد طالع في الاحمر...


ثلاثة كان مشوا تتمنى ما عادش يولوا : الفقر ..والمرض.. والبنت كان تزوجت .


ثلاثة تتمنى ما تصبحش فيهم : سواق افيكو مستعجل....وطابور طويل في الشيل.... والمدير المتعارك مع مرته ..


ثلاثة ربي يفكك منهم : مجاري مفتوحة......وكلب مطلوق .........ورالرشادة الطايشة .


ثلاثة ما ليهمش معنى إلا في ليبيا : العسليه.. والزميتة.... والعصبان ...

رائع